27 local cases sang COVID-19, na-record sa Western Visayas kahapon, Pebrero 8
ILOILO CITY – 27 gid sa 31 ka bag-o nga kaso sang COVID-19 nga nadugang sa Western Visayas kahapon, Pebrero 8, ang local cases. B
ase sa case bulletin no. 318 sang Department of Health 6, naka-record man ang rehiyon sang apat ka Locally Stranded Individuals (LSIs) nga nagpositibo sa virus.
Sa bag-o nga kaso, 15 halin sa Iloilo province; anum sa Bacolod City; apat sa Negros Occidental; kag tag-tatlo sa Aklan kag Iloilo City.
Wala sang bag-o nga kaso sa Antique, Guimaras kag Capiz.
Gin-report man sang DOH 6 ang 30 ka new recoveries kag duha ka bag-o nga nagkalamatay rason nga nagsaka sa 21,768 ang kabug-usan nga nag-ayo samtang 704 ang mga nagkalamatay bangud sa COVID-19 sa rehiyon 6. Sa kabug-usan, ang Western Visayas may 23,675 na ka kaso lakip ang 1,197 ka active cases ukon wala pa naka-recover.
