16 personnel sang headquarters sa PRO 6, nagpositibo sa COVID-19
ILOILO CITY – 16 ka personnel halin sa headquarters sang Police Regional Office (PRO6) ang nagpositibo sa COVID-19.
Una na nga nahibaluan nga nagpositibo sa virus ang duha ka personnel sang Abril 29, rason nga gin-subject sa RT-PCR test ang tanan nga personnel sang Regional Operations Division (ROD) kag nadugangan ang kaso.
Nagguwa kaina sang aga, Abril 30, ang resulta sang test kag nahibaluan nga nagpositibo ang 14 ka iban pa personnel.
May 17 pa ka resulta ang ginahulat, dugang sang PRO 6.
Yara na sa isolation facility ang duha ka una nga nagpositibo kag nagpakig-angot naman sila sa tagsa ka mga LGU sa diin nagapauli ang mga kaso.
Naka-isolate naman sa PRO6 ang 14 ka mga dugang nga nagpositibo sa virus kag nagahulat nga i-saylo sa quarantine facility.
Nagapadayon ang contact tracing sa mga naka-close contact sang mga nagpositibo sa virus.
Ma-implementar ang PRO6 sang skeletal duty scheme kag hagan-haganon ang numero sang mga personnel nga naga-duty sa regional headquarters.
Maga-observe naman sang ‘work from home’ arrangement ang naga-report physically sa opisina.
May ma-augment naman sa ROD agud maka-function sang maayo. | via Aksyon Aljohn Torreta
