Mayor Sara Duterte-Carpio, maabot sa Iloilo subong nga adlaw, Pebrero 24

ILOILO – Ginkumpirmar ni Provincial Administrator Atty. Dennis Ventilacion nga nagpangayo sang permiso ang kampo ni Davao City Mayor Sara Duterte-Carpio nga ma-courtesy call ang vice presidential candidate sa Kapitolyo subong nga adlaw, Pebrero 24.

Suno kay Ventilacion, naghingyo man sang permiso ang BBM-Sara tandem nga ma-caravan. “Pero ang last nga word nga nabaton namon sa ila kampo is, they are forgoing the caravan. May courtesy call lang si Mayor Sara sa Kapitolyo sa 24, kag mga senatoriables niya.”

Base sa nabatian nga impormasyon ni Ventilacion, may rally ang grupo sang alkalde sa Barotac Nuevo, “pero indi na kita sina [maka]-confirm kay ang ma-confirm sina ang LGU sang Barotac Nuevo kay sila ang nagahatag sang permit.”

Si Mayor Duterte-Carpio lang, suno kay Ventilacion, ang nag-request nga ma-courtesy call sa Kapitolyo bangud ini lang ang communication nga nabaton sang Kapitolyo halin sa kampo sang BBM-Sara tandem.  –via Aksyon Hotline