Presidential Candidate, VP Leni Robredo, may rally sa nagkalain-lain nga lugar sa Iloilo

ILOILO – Magahiwat sang rally sa Iloilo si presidential candidate, Vice President Leni Robredo sa Pebrero 25, 2022.

Suno kay Provincial Administrator Atty. Dennis Ventilacion, makadto ang bise presidente sa Oton, Concepcion, Ajuy, Passi City, Pototan, Sta. Barbara kag Iloilo Sports Complex.

“May mini rally siya sa Oton, then malupad siya pakadto sa Concepcion, and then makadto siya sa Ajuy. I think malupad siya pakadto sa Passi, and then kadto siya Pototan, kadto siya Sta. Barbara and last stop niya sa Sports Complex,” suno kay Ventilacion.

Sa pagkahibalo ni Ventilacion, maabot man ang running mate ni Robredo nga si Sen. Kiko Pangilinan, pero indi lang siya sigurado kun makatambong ang vice presidential candidate sa tanan nga rallies. “Siguro ma-confirm lang naton, siguro ara siya (Pangilinan) sa Sports Complex.”

Gindugang ni Ventilacion nga indi na mag-courtesy call si Robredo sa Provincial Capitol bangud “naka-courtesy call naman siya sang first visit niya di.”

Pero ginalauman, suno kay Ventilacion, nga maga-upod si Gov. Arthur Defensor, Jr. sa rally ni VP Robredo sa Sports Complex kag posible sa Pototan.  – via Aksyon Hotline