Mga traditional PUJs, dapat ma-islan sang modernized unit sa pag-epekto sang local transport route plan sa Iloilo City — Councilor Romel Duron
ILOILO CITY — Kinahanglan nga maislan sang mga modernized unit ang mga tradisyunal nga mga depasahero nga jeep nga nagabiyahe sa siyudad sa pag-take effect sang Local Transport Route Plan.
Paathag ini ni Councilor Romel Duron, chairman sang Committee on Transportation sa City Council.
Suno sa iya, kinahanglan gihapon nga mag-apply sang bag-o nga prangkisa sang mga nagabiyahe na nga mga jeep.
Indi naman pwede ang mga individual operator kundi kinahanglan nila nga magtukod sang kooperatiba, ukon korporasyon nga may indi magnubo sa 15 ka unit.
Ginpahayag man ni Duron nga ma-displace gid ang mga tradisyunal nga unit kun may modernized jeep nga mag-apply sa ila ruta.
Ini bangud nahatagan na sila sadto pa sang tiyempo para nga mag-transition sa mga bag-o nga unit.
Sa pihak sini, ginpabutyag niya man nga pwede gihapon mahatagan sang prangkisa ang mga daan nga unit kun wala sang available nga modernized jeep nga mag-apply.
