Ginakabig nga HVT drug personality, dakup sa drug buy bust operation sa Mandurriao
ILOILO CITY – Dakup sa drug buy bust operation ang ginakabig sang kapulisan nga high-value target drug personality sa parking area sang SM City Iloilo sa Mandurriao kaina sang hapon, Pebrero 26.
Gin-identify ni Police Lieutenant Colonel Mark Daroca sang Regional Police Drug Enforcement Unit (RPDEU), ang nadakpan kay Jay-r Canoy nga residente sang Sitio Matawhay, Barangay Tabuc Suba, Jaro.
Na-recover kay Canoy ang isa ka sachet kag isa ka bulto nga plastic sang ice wrapper nga may unod nga suspected shabu. Ginabanta sa 55 ka gramo ang nakuha ang illegal nga druga nga may market value nga P300,000.
Suno kay Daroca, sang Disyembre 2021 pa sang nalakip sa ila listahan sang mga drug personalities si Canoy.
Ginatinguhaan pa sang Aksyon Radyo Iloilo news team nga makuhaan sang pahayag ang subject. — via Aksyon Angel Mae Ciudad
