3 ka magpalakaisa, pilason sang nabun-an sa namatyan sa Sta. Barbara
ILOILO –Tatlo ang pilason sang nagluntad ang stabbing incident sa Brgy. Bantay, Sta. Barbara sang Pebrero 27.
Ginkilala ang mga biktima nga magpalakaisa kanday Mark Joven Caro, 25; Gadney Caro, 18, lunsay taga- Brgy. Bantay; kag Lufer Caro, 27 sang Brgy. San Sebastian sa amo nga banwa.
Samtang ang suspek ang ginkilala naman kay Anthony Sunio, 39-anyos kag residente sang Brgy. Balibagan Este, Sta. Barbara.
Suno kay Police Corporal Mark Puga, imbestigador sa Sta. Barbara Police Station, nagahampang sang pusoy ang magpalakaisa upod si alias “Dondon” kag ginpahayag nga hinali lang gintampa ni Dondon si Lufer bangud sa indi pag-intindihanay tubtob nagluntad ang komosyon.
Kasunod sini, nag-settle ang magpalakaisa nga mapauli na lang kag idul-ong si Lufer.
Nakita ni Anthony Sunio nga nag gabot si Lufer sang hinganiban kag gin-agaw niya ini kag ginbuno ang tatlo.
Gindala si Gadney Western Visayas Sanitarium kag gilayon man nga nakaguwa, out patient na man si Joven apang si Lufer ang padayon pa nga ginabulong sa Western Visayas Medical Center bangud sa pilas sa liog.
Arestado si Sunio kag natalana na nga pasakaan na sang kaso. — via Aksyon Jil Caceres
