Pag-postpone sang barangay election subong nga tuig, ginakonsiderar sang Kamara

Ginakonsiderar sang House of Representatives ang pag-postpone sang Barangay Election subong nga December 2022, suno kay House Majority Leader kag Leyte 1st District Rep. Ferdinand Martin Romualdez.

Ginpahayag ni Romualdez nga, “’yun po ang isang hiling ng mga barangay chairpersons doon sa Liga ng mga Barangay [nga i-postpone ang barangay election]. So we shall consider that kaya if that will be taken up immediately, Disyembre na po ang ano barangay elections so those will be one of our items in our priority agenda.”

Dugang niya, P8.141-billion ang matipid sang gobyerno kun indi pagdayunon ang Barangay Election subong nga tuig kag pwede pa ini magamit sa COVID-19 response ilabe na sa pagbangon sang ekonomiya kag ayuda sa mga nagakinahanglan.

Nobyembre sang nagligad nga tuig, may gin-file man nga bill sa House of Representatives nga nagahingyo nga i-postpone ang December 2022 Barangay and SK Elections kag hiwaton ini sa May 2024. | with reports from GMA news