Raffy Sorioso, isa sa ginrekomendar kasuhan sa Claire Diergos Case, nag-surrender sa CIDG
Nag-surrender sa Criminal Investigation and Detection Group (CIDG) si Raffy Sorioso nga isa sa tatlo nga ginrekomendar nga kasuhan sa Claire Diergos Case sa Barangay San Vicente, Leganes, Iloilo kahapon, Mayo 23.
May tatlo ka warrants of arrest nga gina-uyatan ang Criminal Investigation and Detection Group (CIDG)- Iloilo Provincial Field Unit para kay Sorioso.
Ini ang ginkumpirmar ni CIDG-Iloilo Provincial Unit Head Police Major R Guardaya, magluwas sa kaso nga pagpatay kay Diergos nga nasapwan sa Barangay Inangayan, Sta. Barbara sang Oktubre 26, 2021.
Suno kay Guardaya, “We have three warrants of arrest for Raffy Sorioso – Criminal Case no. 2022-10346 for murder and Criminal Case No. 2022-10347 for attempted murder. I think this happened sometime October of 2021 sa San Dionisio, [Iloilo]. The latest warrant na naibigay sa amin dito is ‘yong Criminal Case No. 2022-87457 which involves naman kay Claire Diergos Case.”
Ginkumpirmar man ni Guardaya nga Top 9 Most Wanted person si Sorioso sa San Dionisio.
Duha ka semana nga gin-negosyar sang CIDG ang pamilya ni Sorioso antes ang iya pag-surrender kahapon.
Wala sang ginhatag nga statement si Sorioso may kaangtanan sa kaso nga pagpatay kay Diergos. Sa subong, ginkustodiya sang CIDG- Iloilo si Sorioso.
Magluwas kay Sorioso, ginrekomendar man nga kasuhan sang murder sanday Gardo Ibrahim kag Rudelyn Sumbong. Si Sumbong una na nga nag-surrender sa New Lucena Police sang Mayo 9.
