Ilonggo nga Top 3 sa PMA ‘Bagsik-Diwa’ Class of 2022, nag-courtesy call kay Iloilo Gov. Arthur Defensor, Jr

ILOILO — Nag-courtesy call si 2LT Ian Joseph Velasco Bragancia sang Brgy. Casalsagan, Pototan, Iloilo kag top 3 sang Philippine Military Academy Bagsik Diwa Class of 2022 kay Iloilo Governor Arthur Defensor, Jr. kahapon.

Nagbaton si Bragancia sang madamo nga awards kasunod sang ila commencement exercise sang Mayo 15. Third year college student siya sang nagsulod sa PMA.

Nagakuha siya sadto sang Bachelor of Science in Molecular Biology and Biotechnology sa University of the Philippines Diliman.Nag-graduate siya sa Philippine Science High School.

Kadungan sang iya courtesy visit, naghatag si Bragancia sa gobernador sang plate nga may PMA logo kag challenge coin bilang tokens of appreciation. — via Balita Halin sa Kapitolyo