Bangkay sang babaye, nasapwan sa baybayon sang Bo. Obrero, Lapuz

ILOILO CITY – Gindala sa higad sang baybay ang bangkay sang babaye nga nasapwan nga naga-utaw-utaw sa Bo. Obrero, Lapuz kaina sang aga.

Sa impormasyon halin sa Coast Guard Station Iloilo, wala pa sang identity ang bangkay.

Ginabanta nga nagataas sang 5 feet ang babaye, medyo chubby kag nakasuksok sang itom nga t-shirt kag itom nga shorts (may garter). May aritos man ang magtimbang nga dulunggan sang babaye.

Sa mga nadulaan sang himata, mahimo lang nga magkadto sa Porras Funeral Homes sa La Paz sa diin gindala sang PCG personnel ang bangkay.