BREAKING | Bangkay sang lalaki nga nagapos sang duct tape ang kamot kag tiil, nasapwan sa Sooc, Arevalo

ILOILO CITY – Nasapwan nga patay ang lalaki nga nagapos sang duct tape ang kamot kag tiil sa gina-construct nga Iloilo Sunset Boulevard, sakop sang Circumferential Road sa Sooc, Arevalo mga las-5:32 kaina sang kaagahon.

Naburambudan sang duct tape ang ulo sang lalaki.

Wala pa makilala ang lalaki nga naka-jacket sang itom kag jersey shorts nga may duag nga orange, pula, violet, blue, kag pink. May na-recover nga illegal drugs sa bangkay.

Suno kay alyas Inday nga isa sa mga una nakakita sa bangkay, napalitan niya gid ang lawas sang lalaki. Nakita niya nga “may pilas sa liug, daw gingulgol.”