Briant Naya nga isa sa mga suspects sa pagransak sa Jetti Gasoline Station sa Jaro, suspek man sa pagransak sang gasolinahan sa Oton

ILOILO — Gin-identify sang Oton Police nga isa sa mga suspetsado sa pagransak sang Caltex Gasoline Station sa Oton sang Mayo 19, 2022 si Briant Naya.

Ini ang ginkumpirmar ni Capt. Richard Lao sang Oton Police Station.

Si Naya ang isa man sa mga suspects sa pagpangawat sa Jetti Gasoline Station sa Jaro sang Hunyo 7, 2022 kag nadakpan sang mga pulis mga las-12 kahapon sang kaagahon, Hunyo 9.

Nakilala si Naya bangud may nakakita sa iya sa lugar antes ang pagpangawat base man sa affidavit sang isa sa mga witnesses kag sa kuha sang CCTV camera.

Kaina, ginpasaka na ang kaso nga robbery batok kay Naya kag sa duha pa niya ka kaupdanan nga wala ginhingadlan sang Oton police.