Probinsya sang Iloilo, ginpasidunggan sang EMB-DENR 6 bilang Waste Management Best Practices sa Rehiyon

Ginpasidunggan sang Environment Management Bureau (EMB) sang Department of Environment and Natural Resources (DENR) 6 ang probinsiya sang Iloilo bilang “Solid Waste Management” Best Practices sa rehiyon kadungan sang regional launching sang National Plan of Action for the Prevention, Reduction and Management of Marine Litter (NPOA-ML) and Solid Waste Management.

Ang nasambit nga kadalag-an ang kabahin sang selebrasyon sang Environment Month sang nasambit nga ahensya.

Pila sa mga programa sang probinsiya nga nalakip sa best practices amo ang Limpyo Iloilo, 4Bs, Limpyo Eleksyon, Limpyo Dalanon, kag Tanum Iloilo.

Nakabaton man sang kadalag-an ang Oton, Alimodian, Ajuy, Lambunao, Carles, Concepcion, kag Passi City sa pagsustenir sang implementasyon sang Material Recovery Facility (MRF), composting operations, upcycling and crafts production, sanitary landfill operations, kag closure and rehabilitation of dumpsites.