3 suspek sa pagransak sa Jetti Gasoline Station sa Jaro, yara na sa police custody

ILOILO CITY – Yara na sa police custody ang tatlo ka suspek sa pag-ransak sa Jetti Gas Station sa Tabuc Suba, Jaro sang Hunyo 7 sang kaagahon.

Una nga nadakpan si Briant Naya, 24-anyos sang West Habog-Habog, Molo sang Hunyo 9 sang kaagahon. Na-recover sa iya ang P60,000 nga cash, lima ka sachets sang suspected shabu kag ang shorts nga suksok niya sang ginsulod ang gasolinahan.

Suno kay PCPT Eduardo Siacon, hepe sang Jaro, Police Station, may informant sila nga nanunid nga yara sa West Habog-Habog si Naya gani ila ginkadtuan kag gindakop. Sa panaysayon ni Naya sa police, siya ang nagsaka kag nagguba sang

kisame agud makasulod ang iva kaupdanan.

Ginhambal man ni Naya nga P300,000 ang iya share sa ila pagpanransak pero P60,000 na lang ang iya gin-turn over sa police.

Samtang, nag-surrender man kahapon, matapos nadakpan si Naya, ang duha pa

ka suspek nga sanday Mark Galvez alyas Maku kag Christopher Agonsola alyas Tata.

Na-recover kag Agonsola ang P100,000 nga cash, samtang P80,000 naman ang nakuha kay Galvez. Magluwas sa cash, gin-ako ni Agonsola nga nagbakal siya sang motorsiklo nga nagabalor sang P114,000 sa Bacolod City.

Sa kabug-usan, P240,000 lang ang na-recover nga cash sa tatlo ka suspects, malayo sa P1.6 million nga gindeklarar sang operator sang gasolinahan.

Kampante naman si Siacon nga ma-recover ang tanan nga kwarta sa mga suspects.

Dugang ni Siacon, indi man organisado nga grupo ang tatlo pero ginpahayag sang opisyal nga ginplanuhan gid nila ang pagpangransak. –via Robert Pacardo/Farrah Mae Morano