P15 regular fare, ginaduso sang pila ka PUJ drivers sa Iloilo City

ILOILO CITY – Nagabakho ang mga drivers sang depasahero nga mga salakyan sa Iloilo City sa padayon nga pagsaka sa presyo sang krudo gani ginaduso nila nga mag-file sang petition para pasakaan ang plete.

Suno kay Iloilo City Loop Alliance of Jeepney Operators and Drivers Association (ICLAJODA) President Raymundo “Boyet” Parcon, ginkonsulta niya ang mga miembro sang Western Visayas Transport Cooperative.

Nagareklamo na ang ila mga miembro sang pagmahal na gid sang gatong kag kun magpabilin sa nueve pesos ang regular nga plete, sigurado suno kay Parcon nga madamo ang mag-untat sa pagbiyahe.

Gin-ako naman ni Parcon nga ginakonsiderar nila ang sitwasyon sang mga pasahero bangud sigurado nga ma-apektuhan ang tanan kun magsaka ang plete.

Ginaduso suno sa iya sang mga drivers nga himuon P15 ang regular fare. –via Aksyon Hotline