Iloilo City Mayor Jerry Treñas, nagapangayo sang pasaylo sa publiko bangud sa pagpatuman sang Local Public Transport Route Plan (LPTRP)

ILOILO CITY — Nagapangayo sang pasaylo si Mayor Jerry Treñas sa publiko bangud sa pagpatuman sang Local Public Transport Route Plan.

Suno sa alkalde, madamo siya sang reklamo nga nabaton angut sa bag-o kag mga rationalized nga ruta sa syudad .

Ginahinyo ni Mayor Treñas ang tanan nga magreklamo kun ano ang mga makita agud makalab-ot sa City Government kag masolusyunan.

Ginaklaro lang niya nga ang LPTRP ang iya sang national government kag tanan nga local government units ang mapatuman sang ila LPTRP.

Dugang pa niya, makita sang syudad ang mga kinahanglan i-address nga mga problema pagkatapos sang isa ukon duha ka semana.