Iloilo City Council, nag-issue sang ordinansa nga naga-regulate sa pagpalupad sang drone sa siyudad

Nag-isyu sang Iloilo City Council sang Ordinance No.2022-110 nga naga-regulate sang drone operations sa siyudad para masiguro ang safety kag security sang publiko.

Ang “Iloilo City Drone Ordinance” naga-require sa mga drones, remotely piloted aircraft (RPA), kag remotely piloted aircraft system (RPAS) nga magparehistro sa Iloilo City Public Safety and Transportation Management (PSTMO) para maka-operate sa territotial jurisdiction kag airspace sang siyudad.

Ang validity sang registration magalawig sang tatlo ka tuig.

Ang mga tag-iya sang mga drones kag RPAS nga dapat narehistro sa Airworthiness Department of the Civil Aviation Authority of the Philippines kag ipresentar ang registration sa PSTMO.