Napilu, nakumos kag mahigko nga paper bill ukon P1,000 polymer banknote, mabaton gihapon bilang bayad

ILOILO CITY — Paper bill man ukon polymer nga napilu, nakumos, kag mahigko ang mabaton gihapon bilang bayad.

Paathag ini ni Dr. Greg Baccay III, acting Bank Officer V sang BSP Visayas Regional Office kasunod sang naglapta nga social media post sa indi pagbaton sang retail store sa napilu nga P1,000 polymer banknote.

Nagpangabay si Baccay sa mga commercial establishments nga batunon ang mga napilo, nakumos, kag mahigko nga kwarta.

Pero, suno kay Baccay, ang mga nagisi, na-staple, ukon na-fade nga kwarta ang indi na mabaton.

Samtang, nagpangabay naman si Baccay sa publiko nga halungan kag ipabilin nga matinlo ang kwarta agud mapalawig pa ang lifespan sini. — via Aksyon AM Reports