Balay sa Lambunao, nasunog
ILOILO — Nasunog ang balay sa Purok 1, Caninguan, Lambunao las-12:33 sang hapon, kahapon, Hulyo 16.
Suno kay Fire Officer 2 Jerry Loza, arson investigator sang Lambunao Fire Station, totally damaged ang balay nga ginapanag-iyahan ni Jose Lasado.
Base sa inisyal nga imbesigasyon sang Lambunao Fire Station, naghalin sa sulod sang balay ni Lasado ang kalayo kag madasig nga naglapta.
Posible nga naghalin ang kalayo sa nag-overheat nga appliance pahayag pa ni Loza.
Naglab-ot sa P126,000 ang balor sang kahalitan.
Wala naman sang tawo sa balay sang nagluntad ang sunog.
Na-fire out naman ang kalayo la-1:20 sang hapon.
Padayon pa ang imbestigasyon sang Lambunao Fire Station sa sunog.
