12 ka wanted person, na-aresto sang ICPO sa isa lang ka adlaw

Nagapadayon ang mas ginpasangkad nga police visibility kag law enforcement operations sang Iloilo City Police Office (ICPO) batok sa mga wanted persons sa syudad.

Bangud sini, 12 ka wanted persons ang na-aresto sang ICPO sa sulod sang isa lang ka adlaw. Sa amo nga numero, duha ang Most Wanted Persons samtang 10 naman ang gin-classify nga other wanted persons.

Based sa record sang ICPO, lima ang na-aresto sang mga personnel sang Iloilo City Police Station 1; tag-duha sang Molo Police, City Intelligence Unit (CIU), kag La Paz Police; kag tag-isa sang Mandurriao Police kag Arevalo Police.

Ang mga nadakpan ang may kaso nga robbery, violation of Republic Act 9165, estafa, kag Acts of Lasciviousness.

Ginadayaw ni ICPO Director Police Colonel Leo Batiles ang mga police nga nagadedikar kag nagresulta sang amo nga accomplishment.