Mga water refilling stations, gina-require ni Mayor Jerry Treñas nga magsumiter sang mandatory water potability testing

Ginapa-submit ni Iloilo City si Mayor Jerry Treñas sang water analysis results ang mga Water Refilling Stations.

Kasunod ini sang pagpositibo sa coliform sang pila ka mga water refilling stations sa syudad.

Suno sa alkalde, ginatun-an pa niya kun mangin bulanan ukon quarterly ang pagpasa sang mga water refilling stations sang mga water analysis results.

Ginpahayag pa ni Treñas nga himuon sang City government ang amu nga lihok agud nga matapna sa gilayon ang paglapta sang nagkalain-lain nga balatian sa syudad.

Base sa resulta sang Environmental Health and Sanitation Division, may mga water refilling stations kag water vendo machines sa pila ka barangay sa syudad ang nagpositibo sa coliform kag E.Coli.