44 ka inugbulang nga manok, nasapwan nga patay sa magkatuhay nga barangay sa probinsya sang Iloilo

ILOILO — I44 ka inugbulang nga mga manok ang nasapwan na lang sang mga tag-iya nga patay na sa magkatuhay nga barangay sa probinsiya sang Iloilo sang Biyernes, Setyembre 16.

Una diri nasapwan na lang ni former Housing Mandurriao Punong Barangay Ray Rico sang Biyernes sang aga ang 26 niya ka mga manok sa Brgy. Purok 1, Pavia nga patay na kag may mga pilas sa likod, sa puwak, kag sa alatrasan.

Ginpahayag pa sang residente nga katupad sang manokan ni Rico nga sang Huwebes sang gab-i, nakabati sila sang tinaghol sang ido kag huni sang mga manok.

Nagapati si Rico nga miru ukon singgarong ang nag-atake sa iya mga manok. May kabug-usan nga P25,000 ang balor sang nagkalamatay nga mga manok suno pa kay Rico.

Samtang, mga la-1 naman sang hapon sang amo man nga adlaw, nasapwan man sang mga residente sang Santiago, Barotac Viejo nga patay na ang 18 ka mga manok nga ginapanag-iyahan ni Ariel Palec.

May mga pilas man sa likod, sa puwak, kag alatrasan ang mga manok.

Indi pa matumod suno kay Punong Barangay Romeo Agsaluna kun ano nga sapat ang nagpatay sa mga manok bangud kalabanan sa gab-i nagapang-atake ang mga miru ukon singgarong.

Ginpahayag niya man nga indi masarangan patyon sang isa lang ka sapat ang 18 ka mga manok.