Postponement sang 2022 Barangay and SK elections subong nga tuig, pirmado na ni PBBM

Indi na madayon ang Barangay kag SK Elections sa Disyembre matapos ginpirmahan ni Pres. Ferdinand Marcos, Jr. ang Republic Act 11935 nga naga-postpone sa pinili-ay subong nga tuig.

Base sa laye, hiwaton ang masunod nga Barangay kag SK Elections sa katapusan nga Lunes sang Oktubre 2023. Maga-umpisa naman ang termino sang mga mapili-an nga mga opisyal sa Nobyembre 30, 2023 sang udto.

Sa statement nga ginpagguwa sang Comelec, ginpahayag ni Commission on Elections Chairperson George Gacia nga masunod sila sa laye samtang nagapadayon sang ila mga preparasyon.

Makahatag man sang dugang nga tiyempo para sa taga-Comelec ang postponement sang eleksyon agud nga makapadayon sang voter registration.

Oportunidad man ini para sa ila agud makahimo sang mga education kag information programs para sa benepisyo sang mga botante kag makahatag sang giya sa mga may potensiyal nga mangin kandidato.

Pinakaulihi nga ginhiwat ang Barangay kag SK elections sang 2018.