Unvaxxed individuals indi pagpahanugutan nga makasulod sa mga patyo sa Iloilo province sa Nobyembre 1

LOILO — Indi pagpahanugutan ni Iloilo Governor Arthur Defensor Jr. ang mga unvaccinated nga makasulod sa mga pampubliko kag pribado nga patyo sa Nobyembre 1.

Suno sa gobernador, madugay na nga nabutang sa pagsulundan sang National-Inter Agency Task Force kag iya lang ini ginsulit kasunod sang nagataas nga kaso sang COVID-19.

Dugang pa niya, fully vaccinated lang ang makasulod kag indi puwede ang mga partially vaccinated.

I-check man sang Local Government Unit (LGU) ang tagsa ka mga vaccination cards antes makasulod sa patyo.

Ginakabig nga mass gathering ang pagpadulong sang mga indibidwal sa tiun sang piyesta minatay.

Ginlaygayan ni Defensor ang mga unvaccinated individuals nga likawan ang pagkadto sa patyo sa Nobyembre 1 kag magbisita lang sa iban nga adlaw.