(UPDATE) Mga punong barangay sa syudad, nagpromisa nga mapatuman sang Curfew for Minors Ordinance

Iloilo City–Nagkomiter ang mga punong barangay sa siyudad nga mabulig sa pagpatuman sang Curfew for Minors Ordinance.

Ginpahayag ni Task Force on Moral and Values Formation Chairman Jorge Duron nga nagpasalig ang mga kapitan sa ginpatawag nga mga sinapol nga magabulig sila agud matapna ang involvement sang mga menor-de-edad sa mga insidente.

Sa Marso 15, may simultaneous activity ang nagkalain-lain nga sektor sa pagpatuman sang ordinansa sa curfew sa mga menor-de-edad pero pagkasunod nga adlaw, madesignar na lang suno kay Dsang kagawad kag tanod nga magabulus-bulos sa pagpatuman sang ordinansa.

Exempted lang sa ordinansa ang mga minors nga may upod nga ginikanan ukon guardian. Ang mga naghalin naman sa ila school activities, idul-ong sa ila balay pero ang mga madakpan nga nagalagaw kag yara sa establishmento ang dal-un sa Women and Children Protection Desk kag i-booking antes idul-ong sa ila balay kag hatagan sang notice ang ginikanan.

Pananglitan tatlo na ka beses nadakpan ang menor, kasuhan ang ginikanan sini bangud sa pagtolerar sa paglapas sang bata sa Curfew for Minors Ordinance. (AGB)