Untat Biyahe sa Hunyo 5 kag 6, ginpreparahan na sang Iloilo Provincial Gov’t

Iloilo City — Preparado na ang Iloilo Provincial Government sa untat biyahe sa Hunyo 5 kag 6. Suno kay Provincial Administrator Raul Banias, nag-coordinate na siya sa mga alkalde sa kabanwahanan agud magbulig sa mga empleyado kag estudyante pakadtu sa syudad. Magapreparar suno sa iya sang mga salakyan ang kada banwa para sa ila mga pumuluyo nga mapadulong sa syudad kag mapauli sa banwa. Available man suno kay Banias ang mga dumptruck sang probinsya. Gin-athag ni Banias nga may trabaho ang mga opisina sang kapitolyo sa Hunyo 5 kag 6. (JoMaque)