NAPOLCOM Commissioner, nagpadulong sa Iloilo para sa Community Service Oriented and Policing System Orientation

Iloilo City–Ginpa-athag ni National Police Commission ukon NAPOLCOM Commissioner Zenonida Brosas sa mga local chief executives kag chiefs-of-police ang ka-importante sang Community Service-Oriented and Policing System sa orientation sa Westown Hotel kaina sang aga.

Gin-explain ni Brosas ang papel sang triumvirate nga ginabug-usan sang komunidad, mga pulis kag local chief executive para mangin madinalag-on ang sistema.

Gin-isa-isa sang mga speakers ang ka-importante sang paghatag sang mga pumuluyo sang impormasyon sa mga pulis kag ang suporta sang local chief executives sa mga programa. Suno kay Brosas, dapat mag-ugyon ang tanan agud mangin produktibo ang ginapatuman nga mga programa sang gobyerno. (AGB)