Pagpatulog sa kabataan sa eskuwelahan kag pag-practice tubtub sa tungan gab-i para sa Dinagyang, gina-discourage sang DepEd 6

Iloilo City — Ginadiscourage sang Department of Education ukon DepEd6 ang pagpatulog sang kabataan sa eskwelahan kag pagpapulaw tubtub tungan gab-i agud magpractice para sa Dinagyang Festival. Ini ang pahayag ni DepEd6 Assistant Regional Director Dr. Victor De Gracia Jr. bangud sang daku nga risgo nga alatubangon sang mga school authorities kag posible pagpang-abuso sa ikaayong lawas sang mga kabataan. Mas makapa-ayo kun papulion sila antis ang las 10:00 sa gab-i, ang oras nga ginapa-implementar na ang curfew for minors ordinance sa syudad.
Una na gin-ako ni Dr. De Gracia nga wala sang guidelines ang ahensya sa grading system sang mga estudyante nga absent bangud nagapractice para sa Dinagyang Festival 2018 sa baylo nagadependir nalang sa school authorities. Pag-athag pa sang Assistant Regional Director nga dapat icomply ang 180 school days sang mga school authorities. (JoMaque)