Isa patay, isa pilason sa pagpangbuno sa Calinog

Calinog, Iloilo–Isa ang patay kag isa man ang napilasan sang ginpangbuno sa ilimnan sa Calinog kagab-i.

Ginkilala ni PO3 Ricky Lubas sang Calinog Police Station ang napatay kay Panfilo Canja sang Barangay Cahigon, Calinog nga napilasan sa dughan samtang ang napilasan amo si RJ Castellanes sang Barangay Catipunan, Tapaz, Capiz nga naigo sa likod. Gintudlo nga nagbuno sa mga biktima si Alan Fajardo sang Tabucan, Calinog.

Naga-inom ang mga biktima sang nagluntad ang indi pag-intendihanay sa tunga nila ni Fajardo nga indi man nila kilala. Gilayon nagpalagyo si Fajardo matapos ang krimen. (AGB)