20 patay, 6 missing sa Western Visayas bangud sa bagyo Paeng

Nagsaka sa 20 ang numero sang mga napatay sa paglaslas sang bagyo Paeng sa Western Visayas.

Nadugangan sang isa ang death toll base sa report sang Regional Disaster Risk Reduction and Management Council (RDRRMC 6), as of 1:00 pm, kahapon, Oktubre 31.

Sa amo nga numero, anum ang halin sa Aklan; 9 sa Antique; 2 sa Capiz; kag 3 sa Iloilo.

Nagapabilin naman sa anum (6) ang gin-report nga missing nga ginabug-usan sang apat halin sa Antique, kag tag-isa sa Aklan kag Iloilo.