NPA member patay sa engkwentro batok sa mga suldado sa Igbaras, Iloilo

ILOILO — Naka-engkwentro sang mga miyembro sang 61st Infantry (Hunter) Battalion, 3rd Infantry Division sang Philippine Army ang ginabanta 10 ka miyembro sang CPP-NPA sa Sitio Gibasya, Barangay Tigbanaba, Igbaras las 5 kaina sang kaagahon.

Ini ang ginkumpirmar ni Captain Roel Maglalang, chief sang Civil Military Operations (CMO) sang 301st Brigade sang Philippine Army.

Ginkumpirmar man ni Maglalang nga may napatay nga NPA member kag may na-recover man nga mga armas sa encounter site.

Wala na sang may ginhatag nga dugang nga detalye si Maglalang may kaangtanan sa identity sang napatay nga rebelde kag sang mga recoveries.

Nagapadayon suno sa iya ang hot pursuit operation sang mga suldado sa mga rebelde.