Guidelines para sa pagbaligya, pag-distribute kag paggamit sang fireworks, pyrotechnic devices sa Iloilo City ginplastar ni Mayor Jerry Treñas
ILOILO CITY – Ginplastar ni Iloilo City Mayor Jerry Treñas ang mga pagsulundan sa pagbaligya, pag-distribute, kag paggamit sang fireworks kag pyrotechnic devices sa Iloilo City.
Ini bangud sa nagahilapit nga holiday celebration sa masunod nga bulan.
Base sa Executive Order No. 107, series of 2022 ni Treñas, lakip sa mga fireworks ang Baby Rocket, Bawang, Small Triangulo, Pulling of Strings, Paper cups, El Diablo, Watusi, Judah’s belt, kag Sky-rocket (kwitis). Samtang ang mga pyrotechnic devices naman amo ang Butterfly, Fountain, Jumbo Regular and Special, Luces, Mabuhay, Roman Candle, Sparklers, Trompillo, kag whistle devise.
Pasugtan ang pagbaligya kag pagbakal sang palupok sa Circumferential Road 1 (corner Jocson Street), Circumferential Road (corner Iloilo Coast- Capiz along Ondoys Sugbahan; kag Muelle Loney Street halin Disyembre 1 tubtob 31.
