Ginpalapad nga karsada sa Ungka, Jaro malapit sa Flyover ginalauman nga mabuksan sa una nga semana sang Disyembre
ILOILO CITY – Daku ang mabulig sa trapiko kun mabuksan gilayon ang ginpalapad nga porsyon sang karsada sa Ungka, Jaro nga malapit sa Ungka flyover.
Suno kay Public Safety and Transportation Management Office (PSTMO) Head Jeck Conlu, nagpangabay sila sa taga-Department of Public Works and Highways (DPWH) 6 nga padasigon ang trabaho bangud nagapugok ang trapiko ilabe na kun peak hours.
Ginsuguran naman suno sa iya ang pagbuhos sang semento sa porsyon sang ginpalapad nga dalan.
“Kun magsige-sige ang buhos nila [sang semento], hopefully by first week tani [sang December] maagyan na na siya kay expected naton nextweek masugod na ang Christmas rush,” suno kay Conlu.
Ilabe nga nagpugok ang trapiko sa nasambit nga dalan kasunod man nga ginsiraduhan ang Ungka flyover kag nadugangan pa sang ginsuguran ang road widening project.
