ILOILO — Patay si James Clifford Hilisan sang nadisgrasya ang iya ginamaneho nga motorsiklo sa Brgy. Tigum, Pavia pasado la una kaina sang kaagahon.
Suno kay Police Major Rolando Araño, hepe sang Pavia Municipal Police Station, base sa ila imbestigasyon, naka-inom ang biktima samtang nagamaneho sang motorsiklo kag wala sang suksok nga helmet.
Sang nag-abot sa Tigum, Pavia may nasugata nga tricycle si Hilisan kag wala na niya nakontrol ang manibela sang iya motor rason nga natumba kag nakabunggo ang iya ulo sa karsada.
Gindala pa sa ospital ang biktima pero gindeklarar nga napatay pagkaligad sang pila ka minutos.
