Gin-turnover sang miyembro sang Indigenous People (IP) community ang nakita niya nga plastic envelope nga may unod nga P23,000 cash, cheque, Debit card, mga papeles kag dokumento sa Jaro Police Station las 7:30 kaina sang aga.
Ginkilala ang IP kay Roger Inosendo nga halin sa Aeta Community sa Brgy. Nagpana, Barotac Viejo, Iloilo, mangunguma kag nagatanum sang mais.
Suno kay Inosendo, nagalakat siya sang nakita niya ang envelope malapit sa Iloilo Provincial Capitol kagab-i. Ginsulod niya ini sa dala niya nga bag kag ginhulat na lang mag-aga kag gilayon gin-turnover sa Jaro Police Station.
Suno naman kay PMSgt. Mary Lye N. Vencer gin-contact na nila ang tag-iya sang kwarta kag mga dokumento.
