Ginalutuan sang lechon manok sa Luna Street, La Paz nasunog

ILOILO CITY – Nasunog ang ginalutu-an sang lechon manok sang Uling Roaster sa Luna Street, La Paz kahapon, Enero 3.

Sa initial nga impormasyon sang Aksyon Radyo Iloilo, nahingagaw man sang nagabantay nga mahaw-as ang mga gina-lechon nga manok.

Pero suno kay Lester nga staff, nagtub-ok lang ang madamol nga aso sa chimney sang baligyaan kag napuhag ang mga pumuluyo.

Gilayon nga napalong ang kalayo sang mga bombero rason nga wala na ini naglapta.