ILOILO — Patay ang 19-anyos nga lalaki sang natiruhan bangud ginpahayag nga tuyo magpangawat sa balay sa Brgy. Alapasco, Batad la-1 kahapon sang kaagahon, Enero 5.
Ginkilala ang napatay kay Juv Bigare sang amo man nga barangay.
Suno kay Police Lieutenant Jaypee Silvestre, hepe sang Batad Police Station, kaagahon sang nabatian ni Marlo Chavez nga ginabungkal ang puwertahan sa likod sang iya nga balay rason nga iya ginkadtuan.
Gulpi lang ginbuksan ni Chavez ang puwertahan kag nakita si Bigare rason nga iya gintiro suno sa police. Nagdumdom pa si Chavez suno sa police nga wala maigo si Bigare bangud nagpalagyo pa.
Ginhingagaw dala sa ospital si Bigare pero gindeklarar nga dead-on-arrival bangud sang pilas sang pagkatiro sa dughan.
Nakita sang police nga nagresponde sa lugar nga may mga lusbot sang pagkatiro ang puwertahan. Human sa light materials ang balay ni Chavez.
Nag-surrender naman sa police si Chavez dala ang iya single shot homemade shotgun kag naghinulsol nga natiruhan niya si Bigare.
Sa initial nga impormasyon sang pulis, may mga reklamo sa barangay nga nagapangsulod-sulod si Bigare sa kabalayan, pero padayon pa ini nga gina-validate.
