Iloilo City—Masobra 1.3 million pesos nga balor sang suspected shabu ang na-recover sa drug buy bust operation sa Barangay San Jose, Jaro la-1:45 kaina sang kaagahon.
Siyam ((9) ka indibidwal ang nadakpan nga ginkilala kanday Jameson Chua sang Buray Oton; Elea Alinsasaguin sang Naslo, Pototan; Angelo Joy Lo sang Abilay Norte, Oton; Kit Kenneth Quijano sang Barangay Fatima, Jaro; Kyster Gacer sang Calumpang, Molo; Martino Co sang South Fundidor, Molo; Raniel Ferraris sang Rizal, La Paz; Gilbert Guzman kag Arnel Alemania, lunsay residente sang Brgy. 15, San Miguel.
Na-recover sa drug den, ang 40 ka sachets sang suspected shabu; P22,000 nga buy bust money kag mga drug paraphernalia.
Ginabanta sa 200 grams nga suspected shabu ang na-recover sa operasyon nga may standard drug price nga P1,360,000.
Ginhimo ang operasyon gintingub nga pwersa sang PDEA6 kag kapulisan.
