San Dionisio, Iloilo may kaso na sang African Swine Fever
ILOILO – Apektado na sang makalalaton nga African Swine Fever (ASF) ang San Dionisio, Iloilo.
Ginkumpirmar ni Dr. Darel Tabuada, head sang Iloilo Provincial Veterinary Office nga na-record sa Barangay Canas, ang kaso sang ASF.
Suno kay Tabuada, nagpadala sang apat ka mga blood samples ang nasambit nga barangay halin sa duha ka mga nagasagod sang baboy kag naguwa sa resulta nga nagpositibo ang isa.
Sa kabug-usan, 16 na ka banwa sa probinsiya ang naka-record sang ASF nga ginalakipan sang Oton, San Miguel, Leganes, Santa Barbara, New Lucena, Mina, Barotac Nuevo, Dumangas, Banate, Barotac Viejo, Zarraga, Janiuay; Badiangan, Dueñas, kag San Dionisio.
Base sa ASF Situationer report sang probinsiya, naglab-ut na sa 2,529 ka mga baboy ang apektado sang ASF sa Iloilo.
