POTOTAN, Iloilo – Siyam ang gindala sa ospital sang nasagiran sang MUX ang ginasundan nga motorsiklo kag nakabunggo pa gid sa sugata nga depasahero nga jeep sa Barangay Amamaros, Pototan kahapon, Pebrero 1.
Ginkilala ang driver sang MUX kay James Ituriaga sang Jaro samtang ang driver sang motorsiklo amo si Arvie Peñaflorida sang Pototan. Gin-identify naman driver sang Pototan PUJ kay Norie Fuentes.
Lunsay gindala sa ospital ang tatlo ka driver kag anum ka pasahero sang jeep pagkatapos nagreklamo sang pagpalanakit sang ila lawas.
Suno kay PSSg Raffy Gonzales, imbestigador sang Pototan MPS, nag-overtake ang MUX sa ginasundan nga motorsiklo pero na-alang-alang rason nasagairan niya ini kag nabungguan pa gid sa jeep. –via Francisco Enar
