Kaso sang HFMD sa Iloilo province yara na sa 1,115 –PHO

Padayon nga nagataas ang kaso sang Hand, Foot and Mouth Disease (HFMD) sa Iloilo Province.

Sa monitoring sang Provincial Epidemiology Surveillance Unit (PESU), yara na sa 1,115 ka mga kaso ang na-record sa nagkalain-lain nga kabanwahanan as of Pebrero 4.

Sa nasambit nga numero, 100 ang na-record sa Santa Barbara; Barotac Viejo nga may 82; Badiangan nga may 78 ka kaso; Alimodian nga may 77; Calinog nga may 69; Bingawan nga may 65; Leon nga may 49; Passi City nga may 48; Dumangas nga may 43 kag Pavia kag Banate nga may 42.

Kalabanan nga nalatnan sang HFMD amo ang mga kabataan nga naga-edad isa tubtob 10 ka tuig.

Nagpahanumdon naman si Provincial Health Office Head Maria Socorro Quiñon nga magpanghugas sang kamot agud malikawan ang HFMD.