Fish vendor, nakuhaan sang suspected shabu, pusil kag granada sa Estancia

ESTANCIA, Iloilo – Nakuhaan sang suspected shabu, pusil, kag granada ang fish vendor nga subject sa drug buy bust operation sa Brgy Tacbuyan, Estancia las-2 kahapon sang hapon, Pebrero 10.

Ginkilala ang subject kay Mario Arco, 38-anyos sang Brgy. Tacbuyan, Estancia.

Suno kay Police Captain Arniel Buraga, Officer-In-Charge sang Estancia Municipal Police Station, sang nagligad pa nga tuig umpisa nga gin-monitor sang kapulisan ang grupo ni Arco bangud may impormasyon nga nagabaligya sila sang illegal drugs sa banwa kag sa iban pa nga lugar sa Fifth district.

Kaina sang hapon, nabaklan si Arco sang isa ka sachet sang suspected shabu kag na-recover pa gid ang anum ka sachet sang illegal drugs, 12 gauge shotgun, kag hand grenade.

Napresu na sadto si Arco sa kaso nga murder kag nakagwa sa presuhan sang nagligad nga tuig.

Ginpanginwala sang subject nga iya ang mga na-recover nga illegal drugs. –via Jerry Medina