Fire truck nagbaliskad sa San Jose, Antique

ANTIQUE – Nagbaliskad sa banglid ang fire truck sang San Jose, Antique fire station sa Rizal St., San Pedro kahapon sang aga, Pebrero 10

Suno kay PSMSg Robert Magturo, imbestigador sang San Jose, Antique Police Station, halin ang fire truck sa Brgy. San Pedro kag pabalik na kun tani sa fire station.

Sa imbestigasyon sang police, naglamsot ang preno sang truck nga ginamaneho ni FO1 Ramil Lucero sang Brgy. Baguingin, Tigbauan.
Tungiod sini, nakabunggo ang fire truck sa kahoy kag nagtakilid sa banglid, suno kay Magturo.

Na-dislocate ang abaga ni Lucero, kag nakaguwa naman sa ospital suno pa sa pulis.
Wala na sang iban pa nga napilisan sa aksidente. – via San Jose MPS