ILOILO CITY — Posible nga pangunahan ni President Ferdinand Marcos, Jr. ang inagurasyon sang Buhang Flyover sa Jaro sa Abril.

Ini ang ginkumpirmar ni Department of Public Works and Highways (DPWH) 6 Director Engr. Nerie Bueno.

Suno sa iya, ginpadal-an sila sang sulat sang opisina ni Marcos nga ilista ang ginakabig nga “high impact projects” sang ahensya sa Western Visayas nga puwede mabisitahan sang presidente.

Tinutuyo sa pagbisita sang presidente nga makit-an pa gid ang mga imprastruktura nga puwede mabutang nga makabulig sa Western Visayas.

Ang “high impact projects” amo ang imprastruktura nga nangin dako ang epekto sa mga pumuluyo.

Una na nga ginpasalig sang kontraktor sang Buhang Flyover ang DPWH 6 nga tapuson ini antes magtakop ang Pebrero kag buksan sa publiko sa Marso.