55-anyos nga lalaki patay sang gintiro sa Calinog

ILOILO — Patay ang 55-anyos nga lalaki sang gintiro sa Barangay Libot, Calinog las 6:45 kagab-i, Pebrero 20.

Ginkilala ang biktima kay Nardo Basilio, Jr. 55-anyos sang amo man nga lugar.

Napilasan sa wala nga parte sang iya dughan ang biktima.

Gindala pa sa ospital apang gindeklarar nga dead-on-arrival.

Suspek sa pagtiro sa biktima si Nerio Castellejo, 70-anyos nga madasig nagpalagyo pagkatapos sang krimen.

Suno kay Police Major Dadje Delima, hepe sang Calinog Police Station, daan nga hiligut-anon ang ginasunod nga anggulo nila sa pagtiro sang suspek sa biktima.