ILOILO —Dead-on-arrival sa ospital ang 15-anyos nga lalaki sang nabungguan sang multicab sa Barangay Poblacion, Anilao kahapon sang kaagahon, Pebrero 24/
Suno kay PSSg Richie Bretaña, imbestigador sang Anilao MPS, nagalakat sa kilid sang karsada ang solterito sang nabungguan.
Nagaguwa sa imbestigasyon nga napiyungan ang driver sang multicab nga si Albert Delandrino sang Ajuy.
Halin sa Bacolod City kag pakadto sa Sara si Delandrino agud magdul-ong sang iya baligya nga kamote kag iban pa nga utanon.
Gin-custody sang Anilao police si Delandrino. –via Angel Mae Ciudad
Ginahulat pa sang police ang desisyon sang pamilya sang 15-anyos kun mapasaka sang kaso ukon indi.
