Ginbalik bilang spokesperson sang Iloilo Police Provincial Office (IPPO) si police major Rolando Araño ang hepe sang Pavia Police Station.
Katuyuan sini nga mapabaskog ang partnership sang kapulisan kag sang mga katapo sang media sa pagpalab-ut sang impormasyon may kaangtanan sa mga programa sang IPPO para sa mga pumuluyo sa probinsya.
2017 sang nagserbe man nga IPPO spokesperson si araño sa idalum sang pagpamuno ni sadtu Police Colonel Marlon Tayaba.
Magapabilin nga hepe sang Pavia Police Station si Araño samtang ginahulat ang mabulos sa iya.
Magluwas kay Araño ginahulat man ang order para sa reshuffling sang hepe sa Passi City, Calinog kag iban pa nga mga police stations tungod naglab-ot na sa duha ka tuig ang ila nga tour of duty. — with reports from Aksyon Angel Mae Ciudad
