ILOILO CITY — Naupos gid ang duha ka mga balay sa sunog sa Barangay Lapuz Norte, Lapuz kahapon, March 7.
Human sa light materials ang balay rason nga madasig ang paglapta sang kalayo.
Suno kay Joey Eñano, isa sa mga nasunugan, ginapatihan niya nga naghalin sa nakasaksak nga electric fan sa ila kuwarto ang kalayo. Nakibot lang siya sang nakita nga nagdaba-daba ang ila kuwarto.
Samtang, ginapanag-iyahan naman ni Glen Escultos ang isa pa ka balay. Partially damaged naman ang balay nanday Juanito Quirao kag Lorenzo Samson.
Wala sang may napilasan sa insidente.
Suno kay Senior Fire Officer 1 Jeck Solis, arson investigator sang Bureau of Fire Protection – Iloilo City nga 112 thousand pesos ang kahalitan sang sunog.
