Pag-conduct sang water sampling sa kadagatan sa Northern Antique ginmandu ni Gov. Rhodora Cadiao tungod sa oil spill

ANTIQUE – Ginmandu ni Antique Governor Rhodora Cadiao sa Provincial Disaster Risk Reduction and Management Council (PDRRMC) ang pag-conduct sang “water sampling” sa norte nga porsyon sang kadagatan sa probinsiya.

Ginalakipan ini sang Libertad, Culasi, Pandan, kag Sebaste.

Suno sa gobernador, luyag niya i-check ang kadagatan nga sakop sang Antique kun magluwas sa Caluya Island may iban pa nga lugar ang apektado sang oil spill.

Nakabaton man siya sang report halin sa mga opisyales sang Patnongon nga may nakit-an nga oil spill sa area.

Nagapadayon ang pagpanghatag sang financial assistance sang Provincial Government sa mga pumuluyo sang Caluya nga apektado sang oil spill. — via Aksyon Cedrick Anona